Kahlun Hammad International Correspondent Scandinavian News Finland اسلام آباد: وزیراعظم شہباز شریف نے اسرائیلی افواج کی جانب سے “صمود غزہ فلوٹیلا” پر حملے کو بزدلانہ کارروائی قرار دیتے ہوئے سخت الفاظ میں مذمت کی ہے۔ یہ فلوٹیلا 44 ممالک کے 450 سے زائد امدادی کارکنوں پر مشتمل تھا، جنہیں اسرائیلی فورسز نے غیرقانونی طور پر حراست میں لے لیا۔ وزیراعظم کے مطابق ان کارکنوں کا واحد مقصد مظلوم فلسطینی عوام تک انسانی امداد پہنچانا تھا۔ وزیراعظم نے ان تمام امدادی کارکنوں کی فوری اور غیر مشروط رہائی کا مطالبہ کرتے ہوئے کہا کہ اسرائیلی بربریت کو فوراً بند ہونا چاہیے

شمائلہ اسلم ایس این این نیوز اردو بیورو چیف پاکستان کراچی: متحدہ عرب امارات (یو اے ای) نے 9 ممالک کے شہریوں کے لیے وزٹ اور ورک ویزے جاری کرنے پر پابندی عائد کر دی ہے۔ متاثرہ ممالک میں بنگلہ دیش، یوگنڈا، سوڈان، صومالیہ، کیمرون، لیبیا، یمن، لبنان اور افغانستان شامل ہیں۔ حکام کے مطابق اس فیصلے کی وجوہات میں ان ممالک میں سیاسی عدم استحکام اور باہمی تنازعات شامل ہیں۔ تاہم، اماراتی وزارت داخلہ نے یہ واضح نہیں کیا کہ پابندی کب تک برقرار رہے گی۔

حماد کاہلوں ایس این این نیوز اردو پنجاب کے شہر رحیم یار خان میں پسند کی شادی کرنے والے جوڑے پر مسلح افراد نے گھر میں گھس کر فائرنگ کر دی۔ پولیس کے مطابق واقعے میں لڑکی موقع پر ہی جاں بحق جبکہ لڑکا شدید زخمی ہو گیا۔اہلکاروں کا کہنا ہے کہ دونوں نے آٹھ ماہ قبل کراچی میں پسند کی شادی کی تھی۔ پولیس کے مطابق ملزمان اور متاثرہ جوڑے کے تعلق کی تحقیقات جاری ہیں اور مزید شواہد اکٹھے کیے جا رہے ہیں۔

حماد کاہلوں ایس این این نیوز اردو ایشین کرکٹ کونسل کے صدر اور چیئرمین پی سی بی محسن نقوی نے بھارتی میڈیا کی جھوٹی خبروں کو بے بنیاد قرار دیتے ہوئے کہا ہے کہ انہوں نے بھارتی کرکٹ بورڈ (بی سی سی آئی) سے کبھی معافی نہیں مانگی اور نہ ہی کبھی مانگیں گے۔ محسن نقوی نے ایکس (ٹوئٹر) پر اپنے بیان میں کہا: بھارتی میڈیا کا مقصد صرف اپنے عوام کو گمراہ کرنا ہے۔ بھارت نے کرکٹ میں سیاست شامل کر کے کھیل کی ساکھ کو نقصان پہنچایا۔ میں بطور اے سی سی صدر بھارت کو ٹرافی دینے کے