از اسامہ زاہد
ایف آئی اے اینٹی کرپشن سرکل کی اہم کارروائی
ایف آئی اے اینٹی افسران کرپشن سرکل اسلام آباد نے کیپٹل ڈیویلپمنٹ اتھارٹی (سی ڈی اے) کے دو افسران کو گرفتار کر لیا ہے۔
زیر حراست افراد میں اسٹیٹ مینجمنٹ-II کے سابق ڈپٹی ڈائریکٹ افسران ر سجاد اللہ اور ڈیلنگ اسسٹنٹ یاسر عرفان شامل ہیں۔
الزامات: اختیارات کا ناجائز استعمال اور قواعد کی خلاف ورزی
ایف آئی اے کے مطابق دونوں ملزمان پر اختیارات کے ناجائز استعمال اور سرکاری قواعد و ضوابط کی سنگین خلاف ورزی کا الزام عائد کیا گیا ہے۔
ان کے خلاف ایک متنازع پلاٹ کے لیے نان ڈیمانڈ سرٹیفکیٹ (این ڈی سی) جاری کرنے پر باقاعدہ مقدمہ درج کیا گیا ہے۔
مذکورہ پلاٹ 2022 سے عدالتی و قانونی پیچیدگیوں میں الجھا ہوا تھا۔
تحقیقات کے مطابق زیر بحث پلاٹ 2022 سے قانونی تنازع میں تھا اور اس پر عدالتی مقدمات اور پابندیاں عائد تھیں۔
تاہم مبینہ طور پر سرکاری ریکارڈ میں ان مقدمات اور پابندیوں سے متعلق حقائق جان بوجھ کر چھپائے گئے۔
این ڈی سی دو مرتبہ جاری کیا گیا
ایف آئی اے کے مطابق متنازع پلاٹ کے لیے پہلا این ڈی سی فروری 2023 میں اور دوسرا مئی 2023 میں جاری کیا گیا۔
ایف آئی آر کے مطابق پلاٹ کی متنازع حیثیت کے باوجود اس کی منتقلی کی منظوری دے دی گئی جو قانون کی صریح خلاف ورزی ہے۔
تعزیراتِ پاکستان اور انسداد بدعنوانی قوانین کے تحت کارروائی
ایف آئی اے افسران نے بتایا کہ ملزمان کے خلاف تعزیراتِ پاکستان اور انسدادِ بدعنوانی قوانین کے تحت قانونی کارروائی عمل میں لائی جا رہی ہے۔
کیس کے مختلف پہلوؤں پر مزید تحقیقات جاری ہیں اور مزید گرفتاریوں کا امکان بھی رد نہیں کیا گیا۔
سی ڈی اے اسکینڈلز: اسلام آباد میں پلاٹ بدعنوانی کی تاریخ