شمائلہ اسلم
بیورو چیف پاکستان
ایس این این نیوز اردو
ترجمان محکمہ ہاؤسنگ پنجاب کے مطابق وزیر اعلیٰ پنجاب
مریم نواز شریف کے وژن کے تحت لاہور میں سموگ اور
ماحولیاتی آلودگی کے خاتمے کے لیے ایک منفرد منصوبہ “لنگز
آف لاہور” متعارف کرایا جا رہا ہے۔
یہ منصوبہ لاہور کے گرد جنگل نما حد بندی پر مشتمل ہوگا،
جس کے تحت تقریباً 48 لاکھ سے زائد پودے لگائے جائیں گے۔
ترجمان نے بتایا کہ منصوبے کی کل لمبائی 112 کلومیٹر اور
رقبہ 1711 ایکڑ پر محیط ہوگا۔
منصوبے کو تین مراحل میں مکمل کیا جائے گا۔
پہلے مرحلے میں 1210 ایکڑ پر 59 کلومیٹر لمبا رنگ فاریسٹ
بنایا جائے گا،
دوسرے مرحلے میں 31 کلومیٹر اور تیسرے مرحلے میں 22
کلومیٹر کی شجرکاری کی جائے گی۔
منصوبے کا پہلا مرحلہ ایک سال کے اندر مکمل کیا جائے گا۔
ترجمان کے مطابق پی ایچ اے لاہور اس منصوبے کو عملی جامہ
پہنائے گا۔
“لنگز آف لاہور” منصوبے سے تقریباً دو کروڑ افراد مستفید ہوں
گے اور سموگ کے تدارک کے ساتھ شہری پھیلاؤ کو روکنے میں بھی مدد ملے گی۔
درختوں کی اقسام میں جامن، کچنار، امرود، پلکن، ارجن، گلِ
نشتر، سکھ چین، جیٹروفہ اور دیگر علاقائی درخت شامل ہوں گے۔
ترجمان نے کہا کہ وزیر اعلیٰ مریم نواز کے وژن کے مطابق یہ
منصوبہ ماحولیاتی تحفظ، صحت عامہ اور لاہور کے قدرتی
حسن کی بحالی میں سنگِ میل ثابت ہوگا۔
انہوں نے مزید کہا کہ سینئر منسٹر پنجاب مریم اورنگزیب
سموگ اور آلودگی کے مکمل خاتمے کے لیے متحرک کردار ادا کر رہی ہیں۔
