شمائلہ اسلم
اسکینڈے نیوین نیوز ایجنسی
بیورو چیف پاکستان
وزیراعلیٰ پنجاب مریم نواز شریف نے صفائی کی بہتری کے لیے ایک اہم قدم اٹھاتے ہوئے ہدایت دی ہے کہ صوبے بھر میں صفائی کی نگرانی کے لیے سیف سٹی کیمروں کا استعمال کیا جائے گا۔
یہ اقدام ’ستھرا پنجاب‘ پروگرام کے تحت کیا جا رہا ہے تاکہ شہروں کی صفائی کا جائزہ مؤثر انداز میں لیا جا سکے اور بلدیاتی اداروں کی کارکردگی کو بہتر بنایا جا سکے۔
حکام کا کہنا ہے کہ سیف سٹی کیمرے نہ صرف سیکیورٹی بلکہ اب صفائی ستھرائی جیسے شہری مسائل کی نگرانی میں بھی مدد فراہم کریں گے، جس سے بہتری کی سمت اہم پیش رفت متوقع ہے۔