شمائلہ اسلم
اسکینڈے نیوین نیوز ایجنسی
بیورو چیف پاکستان
میئر کراچی مرتضیٰ وہاب نے ڈائنو سفاری پارک میں “ٹائم ٹریول تھیٹر” کا افتتاح کر دیا، جو بچوں کے لیے تفریح اور تعلیم کا نیا ذریعہ بنے گا۔ افتتاحی تقریب سے خطاب کرتے ہوئے میئر نے کہا کہ تھیٹر کا مقصد نئی نسل میں تخیل، سیکھنے اور خوشی کو فروغ دینا ہے۔
مرتضیٰ وہاب نے اس امید کا اظہار کیا کہ یہ منفرد پروجیکٹ بچوں کو فطرت، جانوروں اور ماحولیات سے محبت کا درس دے گا۔ ان کا کہنا تھا کہ
“اگر ہم تین سے پانچ سال کی عمر کے بچوں کو یہ اقدار سکھاتے ہیں، تو وہ بہتر انسان بن کر پروان چڑھیں گے۔”
انہوں نے اس تھیٹر کو کراچی کے ثقافتی منظرنامے میں ایک قابل قدر اضافہ قرار دیا، جو شہریوں کو معیاری تفریح فراہم کرے گا۔
