شمائلہ اسلم

اسکینڈے نیوین نیوز ایجنسی

بیورو چیف پاکستان

خیبر پختونخوا اسمبلی آج سینیٹ کی 11 نشستوں پر انتخاب کرے گی، جن میں

7 جنرل، 2 خواتین اور 2 ٹیکنوکریٹس/علماء کی مخصوص نشستیں شامل ہیں۔

اس سے قبل گورنر فیصل کریم کنڈی نے مخصوص نشستوں پر منتخب ہونے

والے 25 ارکان اسمبلی کو حلف دلایا۔

الیکشن کمیشن کے مطابق، یہ انتخاب اس وقت ممکن ہوا جب پشاور ہائی

کورٹ کے حکم پر گورنر نے منتخب ارکان کو حلف دلایا، جو پہلے اسپیکر اسمبلی

کی جانب سے انکار کے باعث ملتوی ہو چکا تھا۔ حلف کی تقریب آئین کے

آرٹیکل 65 اور 255(2) کے تحت ہوئی۔

کورم کی کمی کی وجہ سے اسمبلی کا اجلاس اب 24 جولائی تک ملتوی کر دیا گیا ہے۔

وزیراعلیٰ علی امین گنڈاپور نے خبردار کیا ہے کہ سینیٹ انتخابات میں پارٹی

لائن کے خلاف ووٹ دینے والے ناراض ارکان کے خلاف کارروائی کی جائے گی۔