سینیٹ سیکرٹیریٹ
Thank you for reading this post, don't forget to subscribe!میڈیا ڈائریکٹوریٹ ٹکرز
سینیٹ سیکرٹیریٹاسلام آباد: چیئرمین سینیٹ سید یوسف رضا گیلانی نے ملائشیا میں ہونے والے گلوبل مسلم بزنس فورم 2025
میں اہم خطاب کیا۔ انہوں نے کہا کہ مسلم ممالک کو اب وقت کی ضرورت کے مطابق معاشی تعاون اور مشترکہ حکمت عملی
اپنانی ہوگی تاکہ ترقی کے مواقع بڑھ سکیں۔
چیئرمین سینیٹ نے مزید کہا کہ اسلامی فنانس اور فِن ٹیک مستقبل کی معیشت کی بنیاد ہیں اور مشترکہ منصوبوں کے ذریعے
مسلم دنیا اپنی طاقت کو یکجا کر سکتی ہے۔ انہوں نے کہا کہ پاکستان اب سرمایہ کاری کے لیے ایک ابھرتی ہوئی منڈی بن چکا
ہے اور ملائیشیائی سرمایہ کاروں کو پاکستان میں سرمایہ کاری کے وسیع مواقع سے فائدہ اٹھانا چاہیے۔
گیلانی نے کہا کہ اسپیشل انویسٹمنٹ فسیلیٹیشن کونسل (SIFC) کے تحت تعاون کے نئے مواقع موجود ہیں اور مسلم ممالک کو
نعروں سے آگے بڑھ کر عملی اقدامات کرنے کی ضرورت ہے۔ انہوں نے خطاب میں تجارت، سرمایہ کاری، اختراع اور مضبوط نیٹ
ورک پر زور دیا اور کہا کہ پاکستان مضبوط اور خوشحال مسلم دنیا کے لیے پرعزم ہے۔
آخر میں انہوں نے نوجوان آبادی کو پاکستان کا سب سے بڑا اثاثہ قرار دیتے ہوئے کہا کہ ملک کی ترقی میں نوجوان نسل کا کردار بہت اہم ہے۔
یہ خطاب نہ صرف مسلم ممالک کے لیے ایک اقتصادی رہنمائی ہے بلکہ پاکستان کی عالمی سطح پر معاشی طاقت اور
سرمایہ کاری کے مواقع کو اجاگر کرنے کا بھی ذریعہ ہے۔
