سید عادل رضا
ایس این این اردو، اسلام آباد
وفاقی وزیر بحری امور جنید انوار چوہدری نے سمندری کچھوؤں کے
تحفظ کے لیے 9 کروڑ روپے مالیت کے منصوبے کا اعلان کیا ہے۔
وزیر کے مطابق جھینگا مچھلی کے جالوں میں کچھوؤں کو بچانے کے
لیے جدید آلات نصب کیے جائیں گے، جو ماہی گیروں کو بلا معاوضہ
فراہم کیے جائیں گے۔
انہوں نے کہا کہ یہ منصوبہ سمندری حیاتیات کے تحفظ اور پائیدار
ماہی گیری کی جانب ایک اہم قدم ہے۔ منصوبے سے جھینگا برآمدات
میں تین گنا اضافہ متوقع ہے۔ اس وقت پاکستان کی جھینگا برآمدات
سالانہ تقریباً 100 ملین ڈالر ہیں۔
جنید انوار چوہدری کا کہنا تھا کہ منصوبے سے امریکی، یورپی اور
خلیجی منڈیوں تک رسائی ممکن ہوگی، جبکہ عالمی ماحولیاتی معیار
پر عملدرآمد سے پاکستان کی سمندری مصنوعات کی ساکھ مزید بہتر
ہوگی۔