شمائلہ اسلم
اسکینڈے نیوین نیوز ایجنسی
بیورو چیف پاکستان
نظام پورہ چک نمبر 80 ر/ب، تحصیل شاہکوٹ (ضلع ننکانہ صاحب) میں
مسلسل موسلا دھار بارشوں کے نتیجے میں نہر کا بند ٹوٹ گیا، جس کے باعث
متعدد زرعی رقبے زیرِ آب آ گئے۔
علاقہ مکینوں کے مطابق گزشتہ کئی روز سے ہونے والی شدید بارشوں نے نہر
کے کنارے کمزور کر دیے تھے، تاہم متعلقہ محکموں کو بارہا مطلع کرنے کے
باوجود کوئی حفاظتی اقدام نہیں کیا گیا۔ نتیجتاً، نہر میں پانی کی سطح بڑھنے کے بعد
بند ٹوٹ گیا، جس سے قریبی کھیتوں میں پانی داخل ہو گیا۔
کسانوں نے خدشہ ظاہر کیا ہے کہ اگر پانی فوری طور پر نہ نکالا گیا تو فصلوں کو
شدید نقصان پہنچ سکتا ہے۔ متاثرہ افراد نے ضلعی انتظامیہ سے فوری مدد کی اپیل کی ہے۔
