شمائلہ اسلم
بیورو چیف پاکستان
ایس این این اردو
قاہرہ کے علاقے المرج میں 13 سالہ لڑکا کچے انسٹنٹ نوڈلز کے تین پیکٹ کھانے کے بعد جاں بحق ہوگیا۔
عربی میڈیا رپورٹس کے مطابق قاہرہ سیکیورٹی ڈائریکٹوریٹ کو اطلاع ملی کہ لڑکا اپنے گھر پر اچانک انتقال کرگیا ہے۔
پولیس کے مطابق جائے وقوعہ پر پہنچنے کے بعد لڑکے کی لاش پر کسی قسم کے زخم یا تشدد کے آثار نظر نہیں آئے۔
ابتدائی تحقیقات میں انکشاف ہوا کہ بچے نے ایک ہی وقت میں کچے نوڈلز کے تین پیکٹ کھائے تھے جس کے باعث اس کی طبیعت بگڑ گئی اور وہ دم توڑ گیا۔
پبلک پراسیکیوشن نے نوڈلز فروخت کرنے والے دکاندار کو حراست میں لینے کا حکم دیا ہے جبکہ مصنوعات کے نمونے لیبارٹری بھجوا دیے گئے ہیں۔ بچے کی موت کی اصل وجہ جاننے کے لیے لاش کو پوسٹ مارٹم کے لیے بھیج دیا گیا ہے۔