سدرہ شہزاد
اسکینڈے نیوین نیوز ایجنسی – لاہور بیورو

لاہور: ڈائریکٹر جنرل ایف آئی اے رفعت مختار راجہ کی ہدایت پر پاسپورٹ ایجنٹ مافیا کے خلاف کریک ڈاؤن جاری ہے۔ ایف آئی اے اینٹی ہیومن ٹریفکنگ سرکل لاہور نے شیخوپورہ پاسپورٹ آفس پر چھاپہ مار کر 3 افراد کو گرفتار کر لیا۔

ترجمان ایف آئی اے کے مطابق، گرفتار ملزمان میں عابد محمود، نعمان ظفر اور فخر عباس شامل ہیں، جن کا تعلق شیخوپورہ کے مختلف علاقوں سے ہے۔

ملزمان شہریوں کو فوری پاسپورٹ بنوانے کا جھانسہ دے کر اضافی رقم وصول کرتے تھے۔ چھاپے کے دوران ملزمان کے قبضے سے:

پاسپورٹس

ٹوکن سلپس

بینک چالان

رسیدیں

دیگر اہم شواہد

برآمد کیے گئے ہیں۔

ایف آئی اے نے گرفتار ملزمان کے خلاف تفتیش کا آغاز کر دیا ہے، جبکہ دیگر ساتھیوں کی گرفتاری کے لیے بھی چھاپے مارے جا رہے ہیں۔