اسلم
بیورو چیف پاکستان
پیپلز پارٹی اور مسلم لیگ (ن) کے درمیان کشیدگی مزید بڑھ گئی ہے۔
سندھ کے سینئر وزیر شرجیل انعام میمن نے الزام لگایا ہے کہ پنجاب
حکومت اپنی جماعت کو بالواسطہ نشانہ بنا رہی ہے تاکہ اصل میں
وفاقی حکومت پر دباؤ ڈالا جا سکے۔
کراچی میں پریس کانفرنس کرتے ہوئے انہوں نے کہا کہ پنجاب
حکومت پیپلز پارٹی کے ذریعے وفاقی حکومت کو کمزور کرنے کی
کوشش کر رہی ہے۔ ان کے مطابق، پنجاب کی قیادت “ایسا ماحول
پیدا کرنا چاہتی ہے جس سے وفاقی حکومت کو مشکلات کا سامنا
کرنا پڑے اور پیپلز پارٹی اپنی حمایت واپس لے۔”
پیپلز پارٹی اور مسلم لیگ (ن)، جو مرکز میں اتحادی ہیں، گزشتہ
دنوں سے سیلاب متاثرین کے معاوضے اور چولستان نہری منصوبے کے
پانی کے حقوق جیسے معاملات پر لفظی جنگ میں الجھی ہوئی ہیں۔
سندھ حکومت کو خاص طور پر وزیراعلیٰ پنجاب مریم نواز کے
حالیہ بیانات پر اعتراض ہے۔
