شمائلہ اسلم
اسکینڈے نیوین نیوز ایجنسی
بیورو چیف پاکستان
اپوزیشن کا جرمانے لگانے کو ناانصافی قرار دینا، خزانہ بینچوں کا جرائم کے خلاف مہم کا دفاع!
کراچی: جمعہ کے روز سندھ اسمبلی کے اجلاس میں گاڑیوں پر اجرک تھیمڈ نمبر پلیٹس کے نفاذ پر اپوزیشن اور حکومتی بینچوں کے درمیان شدید زبانی جھڑپ ہوئی۔
اپوزیشن اراکین کا کہنا تھا کہ وہ اجرک کو ثقافتی ورثے کے طور پر تسلیم کرتے ہیں، لیکن اس کی بنیاد پر شہریوں پر بھاری جرمانے عائد کرنا ناانصافی ہے۔ انہوں نے اس بات پر بھی اعتراض کیا کہ یہ مہم صرف کراچی تک محدود ہے جبکہ دیگر اضلاع میں لاگو نہیں کی جا رہی۔
کئی اراکین اسمبلی نے عوامی مسائل کی سنگینی کو اجاگر کیا اور نئی نمبر پلیٹس نہ لگانے پر شہریوں کو ہراساں کیے جانے کی شکایات پر حکومت کو تنقید کا نشانہ بنایا۔
اجلاس میں گلستانِ جوہر اور حیدرآباد کی خطرناک عمارتوں میں رہائش پذیر افراد کو جاری کیے گئے نوٹسز پر بھی سخت تحفظات کا اظہار کیا گیا۔
