شمائلہ اسلم
اسکینڈے نیوین نیوز ایجنسی
بیورو چیف، پاکستان
“ہم کیسے ادا کریں گے؟” — بجلی کے بل پاکستانیوں کی برداشت سے باہر
پاکستان بھر میں لاکھوں شہری بجلی کے بڑھتے ہوئے نرخوں کے باعث
شدید پریشانی میں مبتلا ہیں۔
بیشتر افراد نے پنکھے، اے سی اور دیگر بنیادی برقی آلات کا استعمال کم کر دیا
ہے تاکہ مہینے کے آخر میں بل قابل برداشت رہے۔
ماہرین کے مطابق، بجلی کے مہنگے بلز کی کئی وجوہات ہیں—جیسے ٹیرف میں
مسلسل اضافہ، زائد ٹیکسز، فیول ایڈجسٹمنٹ چارجز اور سلیب سسٹم کی
پیچیدگیاں۔ ان عوامل نے متوسط اور کم آمدنی والے طبقات کی زندگی اجیرن بنا دی ہے۔
اکثر صارفین کے لیے سب سے بڑا دھچکا اس وقت آتا ہے جب بجلی کی ماہانہ
کھپت 200 یونٹس سے تجاوز کر جاتی ہے۔
- 199 یونٹس: تقریباً 3,000 روپے کا بل
- 200 یونٹس: اچانک 8,000 سے 9,000 روپے کا بل
اس کے بعد کئی ماہ تک صارفین کو زیادہ ٹیرف کی سزا بھگتنا پڑتی ہے، کیونکہ نظام انہیں کم یونٹس پر واپس نہیں آنے دیتا۔
یہ صورتحال نہ صرف بجٹ کو متاثر کرتی ہے بلکہ عوام کے ذہنی دباؤ میں بھی اضافہ کرتی ہے۔ مگر ماہرین چند آسان حل بھی تجویز کرتے ہیں:
انرجی ایفیشنٹ آلات کا استعمال (انورٹر اے سی، ایل ای ڈی بلب)
پیک آورز (Peak Hours) میں بجلی کے استعمال سے گریز
روزانہ بجلی کی کھپت پر نظر رکھنا
ان چھوٹے اقدامات کے ذریعے صارفین ہزاروں روپے کی بچت کر سکتے ہیں اور مہنگے بلوں سے جزوی طور پر بچاؤ ممکن ہے۔
