شمائلہ اسلم
Thank you for reading this post, don't forget to subscribe!
بیورو چیف پاکستان
ایس این این اردو
بلاول بھٹو زرداری کے بیان پر بھارتی اداکار اور بی جے پی رہنما متھن چکرورتی برہم ہو گئے، پاکستان پر میزائل حملے کی گیدڑ بھپکی دے ڈالی۔
پاکستان پیپلز پارٹی کے چیئرمین بلاول بھٹو زرداری کے حقیقت پر مبنی خطاب نے متھن چکرورتی کو سیخ پا کر دیا۔ سوشل میڈیا پر زیرِ گردش ایک ویڈیو میں، اداکار نے ایک
صحافی کے سوال پر جارحانہ لہجہ اختیار کرتے ہوئے کہا کہ “اگر ہمارا دماغ خراب ہوا تو پاکستان پر براہموس میزائل داغا جائے گا، پھر ایک اور داغا جائے گا۔” انہوں نے مزید کہا کہ “اگر کچھ نہ ہوا تو ہم ایک ڈیم بنائیں گے اور ضرورت پڑنے پر اسے کھول دیں گے، گولی تو نہیں چلے گی لیکن سونامی ضرور آ جائے گا۔”
متھن چکرورتی نے وضاحت دیتے ہوئے کہا کہ وہ پاکستان کے عوام کے خلاف نہیں ہیں، بلکہ یہ الفاظ صرف بلاول اور قیادت کے لیے ہیں۔
یاد رہے کہ سابق وزیر خارجہ بلاول بھٹو نے بھٹ شاہ میں ایک خطاب کے دوران کہا تھا کہ دریائے سندھ پر حملہ دراصل تہذیب اور ثقافت پر حملہ تصور کیا جائے گا۔ انہوں نے مزید کہا کہ “میں نے مودی کو دنیا کے سامنے بے نقاب کرنے کا وعدہ کیا تھا اور آج مودی بے نقاب ہو چکا ہے۔”
