سدرہ شہزاد
Thank you for reading this post, don't forget to subscribe!
اسکینڈی نیوین نیوز ایجنسی،
لاہور بیورو
لاہور: ایف آئی اے لاہور کے ڈائریکٹر کیپٹن (ر) محمد علی ضیاء کی سربراہی میں قومی اور نجی کمرشل بینکوں کے کمپلائنس ڈویژن کے سربراہان کا ایک اہم اجلاس منعقد ہوا۔
اجلاس میں مالیاتی جرائم کی روک تھام، مشکوک لین دین کی بروقت رپورٹنگ، منی لانڈرنگ کے تدارک اور ریگولیٹری کمپلائنس پر تفصیلی غور کیا گیا۔ بینکنگ نمائندگان نے اپنے تحفظات اور تجاویز بھی پیش کیں۔
اجلاس میں ایف آئی اے اور بینکاری شعبے کے درمیان معلومات کے بروقت تبادلے، مشترکہ ٹریننگ سیشنز اور قانونی معاونت کو مزید مؤثر بنانے پر اتفاق کیا گیا۔ ڈائریکٹر ایف آئی اے نے مکمل تعاون کی یقین دہانی کراتے ہوئے کہا کہ ادارہ جاتی روابط کو مزید مضبوط کیا جائے گا۔
آئندہ پیش رفت کے جائزے اور تعاون کو ادارہ جاتی شکل دینے کے لیے سہ ماہی بنیادوں پر اجلاس منعقد کرنے کا فیصلہ کیا گیا۔
