رپورٹ: شمائلہ اسلم
، بیورو چیف پاکستان،
اسکینڈے نیوین نیوز ایجنسی
فیصل آباد: ڈی ٹائپ کالونی میں دو لڑکیوں پر فائرنگ کرنے والے مرکزی ملزم
کو پولیس نے اس کے ساتھی سمیت گرفتار کرلیا ہے۔ فائرنگ کے نتیجے میں
ایک لڑکی جاں بحق جبکہ دوسری زخمی ہوئی تھی۔
ایس پی سعید احمد کے مطابق یہ واقعہ گزشتہ رات پیش آیا، جب ملزم نے
مبینہ طور پر تعلق ختم کیے جانے پر ایک لڑکی پر فائرنگ کی۔ فائرنگ کے
دوران مقتولہ کی ساتھی بھی زخمی ہوگئی۔ واقعے کے بعد ملزم اپنے ساتھی
کے ساتھ موٹرسائیکل پر فرار ہوگیا تھا۔
پولیس نے مقتولہ کے موبائل فون کا ڈیٹا حاصل کیا اور ملزم کے نمبر کو
ٹریس کر کے آج لوکیشن معلوم ہونے پر دونوں کو گرفتار کرلیا۔
ایس پی کے مطابق مقتولہ ایک مقامی ہوٹل کے فوڈ پوائنٹ پر ملازمت کرتی
تھی اور واردات کے وقت اپنی ساتھی کے ہمراہ گھر واپس جا رہی تھی۔
پولیس نے مزید تحقیقات کا آغاز کر دیا ہے جبکہ گرفتار ملزمان سے اسلحہ برآمد
ہونے کی اطلاعات بھی موصول ہوئی ہیں۔
