شمائلہ اسلم
اسکینڈے نیوین نیوز ایجنسی
بیورو چیف پاکستان
سیکیورٹی فورسز نے منگل کے روز تحصیل لوئی ماموند میں دہشت گردوں کے خلاف بھرپور کارروائی کرتے ہوئے “آپریشن سربکف” کا آغاز کر دیا، جس میں گن شپ ہیلی کاپٹرز اور توپ خانے کا استعمال کیا گیا۔
آپریشن کے دوران علاقے میں تین دن کے لیے کرفیو نافذ کر دیا گیا ہے تاکہ دہشت گردوں کے خلاف موثر کارروائی یقینی بنائی جا سکے۔
کرفیو سے متاثرہ علاقوں میں بادِ سیاہ تھرکھو، عراب، گٹ، اگرہ، کھرچئی، دواغئی، کالان، لیغڑئی، کٹکوٹ، گلئی، نختر، زرئی، دمبرئی، امانتو اور زغئی شامل ہیں۔
حکام کے مطابق آپریشن کا مقصد خطے کو دہشت گردی سے پاک کرنا اور امن و امان بحال کرنا ہے۔
